Предупреждение: текущая версия браузера устарела и может работать некорректно. Рекомендуется обновить версию до актуальной

Tel: +998-97-751-62-68 UZ RU

1860 yillar atrofida Janubiy Afrikada tuyaqushlardan tijorat sifatida foydalanila boshlandi.
1869 yilda tuyaqush tuxumlari uchun birinchi inkubator yaratildi va tuyaqushchilik foyda keltiruvchi mashg`ulotga aylandi. XX asr boshida soha gullab yashnadi.

1940 yilga kelib 1 million bosh tuyaqushi bo`lgan sanoatga bo`lgan talab keskin tushib ketdi. Bu Birinchi Jahon urushidan keyingi umumiy ijtimoiy-iqtisodiy vaziyat, avtomobillarning tarqalishi, ayollar modalarining (ayniqsa, shlyapalarning ochiq kabrioletlarda shamolda uchib ketishi) uzgarishi, shuningdek, patlar savdosidagi uyushmagan bozor bilan bog`liq edi. Bu krisis Janubiy Afrikada 1945 yilgacha, barcha tuyaqush mahsulotlari ishlab chiqaruvchilarning “Klein Karoo” uyushmasiga birlashgunlaricha davom etdi. Uyushgan aksiyalarning kirib kelishi, sotuvning tartibga tushishi sohaning kuchli krisisdan chiqishiga yordam berdi.

1963 yilda Janubiy Afrikada
tuyaqush go`shti mahsulotlarini qayta ishlovchi birinchi ishlab chiqarish sexi tashkil qilindi. Bu nafaqat tuyaqush pati, balki go`sht va teri oluvchi yangi davri aylandi.

Tuyaqush 3 yoshda, urg`ochisi esa 2 yoshdan keyin voyaga etadi. Bitta tuyaqush bir mavsumda 40-60 tagacha, AQSHning fermer xo`jaliklarida esa 100 ta va undan ortiq tuxum qo`yadi. Tuxum quyish mavsumi asosan joyning iqlimiy shart-sharoitlariga bog`liq bo`lib, O`zbekistonda bu sentyabr-oktyabr oylariga to`g`ri keladi. Bu mavsum 3 oydan kam bo`lmaydi. Tuyaqushlarni so`yish yoshi 10 oyligidan (vazni 95 kg dan oshgach) boshlanadi. Bunda 35-55 kg go`sht, 95-120 dm2 teri olinadi.

Oxirgi bir necha yilda dunyoda tuyaqush boqishda iqtisodiy barqarorlikka erishilmoqda. Bizning kompaniyamiz JAR, AQSH va Ukraina (Evropadagi eng katta hisoblangan tuyaqush fermasi) kabi davlatlar tajribalarini chuqur o`rganib, o`larning tavsiyalari asosida tuyaqushlarning seleksiya va inkubasiyasi hamda ovqatlanish rasionini keng qo`llab kelmoqda.

Afrika tuyaqushi (lat. Struthio camelus) - dunyodagi eng katta qush bo’lib, bo’yi 2,5 metrgacha, og’irligi 150 kg gacha etadi, shuningdek, 50 yilgacha yashaydi. Tuyaqushlar 12 million yil avval ham sayyoramizning Janubiy yarimsharida paydo bo’lgan. Ular yugiruvchi qushlar (Ratitae) turkumiga kiradi.

Tuyaqush - ikki oyoqli jonzotlarning eng tez yugiruvchisi hisoblanib, 3.5-4 m uzunlikda qadam tashlay oladi. U soatiga 70 km tezlik bilan yugurishi va zarur bo’lganda, tezligini kamaytirmagan holda yo'nalishini o'zgartirishi mumkin. Tuyaqushlarning yana bir noyob xususiyati shundaki, uning oyoqlarida ikkita barmoq mavjud bo`lib, shularning biri tuyaqush yugurganida tiranadigan shohsimon tirnoq bilan tugaydi.

Tuyaqush patlari savdosi ming yillardan beri amalga oshiriladi. Qadimgi Misr va Vaviloniyada tuyaqush patlari bilan bayram liboslari bezatilgan. O`zining mutloq simmetrikligi bilan tuyaqush pati qadimgi Misrda adolat va haqiqat ramzi hisoblangan. Ayniqsa, Viktoriya davri tuyaqush fermalarining rivojlanishini istiqbolini belgilab berdi. Tuyaqush pati asosan shlyapalar uchun muhim moda aksesuarlari (bezaklari) sifatida qabul qilingan. Bu moda XX asr boshlarigacha O`rta asr zodagonlari orasida uzoq yashab, tuyaqush pati ularning ijtimoiy mavqeini belgilab bergan.